الشاعر محمد السفير
گما .. مات .. وطن
كلشي گذبه
الدين گذبه
الدولة گذبه
والضمير انباع بحلوگ السياسه
وكل شعرات الوطن شفناها گذبه
بس ...
الحقيقه ثوره صارت
نور شع بگل ظلام
انتفاضه كل شباب الوطن هبت
اتجسدت كل المشاهد جسد واحد
انطعن من وسط گلبه
ومن شماله ومن جنوبه
بكل حقد والجثث حبات حنطه تبوكها سنون المناجل
مطر دمنه بكل صريفه انقادة بسلطان جاهل
والتوابيت شكبرها سفن فوگ الگاع تمشي اشراعها اعلام الوطن وتغار من عدها الگذايل
والخشب لون الموت ذاك الي عشگنه وغيره ماشفنه شبگنه يشبه اغصان السنابل
عمل فني والمؤلف بدأ يكتب والممثل دوره مرعب استهدفت راسه القنابل
والمصور صار يبچي والاناره اخفق ضواها المنتج اتعصب وصاح هواي دم هناك سايل
والشهيد اتأخر الطابق يريده 15 اخر محطه ومنها ينظر على احبابه يباوع لتشييع نعشه هذا الاوداع الاخير اويه الرسايل
وي الفطور الناس تبچي
موقف يفطر گلبهم بصمه خله بگل مواطن
المايحبها كال احبها
الثورة صارت للوطن نوط الاحرار
اتعلگت بصدورنا مثل الچدايل
______________________________________
حظر تجوال
ماكو انسان ظل مرتاح
نسأل ليش محجورين لا ميتين
مخنوكين جوى الگاع فوگ الگاع نفس الطين
ما نعرف نموت ابيش
چنه انخاف من الموت هسه انخاف من انعيش
گلنا انتاني عزرائيل چبيره هواي بطن الحوت شيفيد الصراخ واحنه مدفونين
من نصرخ يفززنه الصده والصوت
ديرم دمنه فوك اللوح
غريبه وجوهنه من النوح
ماظلت امتون ترافگ التابوت
يرب الموت
يمته نموت
وثن صرنه اعله ضهر الگاع هواي احنه ابطنها نفوت
المنايه التفت بگل صوب
ديره اتحشم بديره
وضيعنه صبر ايوب خلص گل عمرنه بس حلم واوهام
ترفه احلامنه مثل الندى من ايطيح ماتوگف بظهر الچام
صرخنه وصحنه من العام
والنمرود صاح بصوت علگوا احبال خل صوت المشانق يرعب الاجيال بيان وصدر حكم اعدام
اذا منموت يعني انام
الشاعر محمد السفير
كلشي گذبه
الدين گذبه
الدولة گذبه
والضمير انباع بحلوگ السياسه
وكل شعرات الوطن شفناها گذبه
بس ...
الحقيقه ثوره صارت
نور شع بگل ظلام
انتفاضه كل شباب الوطن هبت
اتجسدت كل المشاهد جسد واحد
انطعن من وسط گلبه
ومن شماله ومن جنوبه
بكل حقد والجثث حبات حنطه تبوكها سنون المناجل
مطر دمنه بكل صريفه انقادة بسلطان جاهل
والتوابيت شكبرها سفن فوگ الگاع تمشي اشراعها اعلام الوطن وتغار من عدها الگذايل
والخشب لون الموت ذاك الي عشگنه وغيره ماشفنه شبگنه يشبه اغصان السنابل
عمل فني والمؤلف بدأ يكتب والممثل دوره مرعب استهدفت راسه القنابل
والمصور صار يبچي والاناره اخفق ضواها المنتج اتعصب وصاح هواي دم هناك سايل
والشهيد اتأخر الطابق يريده 15 اخر محطه ومنها ينظر على احبابه يباوع لتشييع نعشه هذا الاوداع الاخير اويه الرسايل
وي الفطور الناس تبچي
موقف يفطر گلبهم بصمه خله بگل مواطن
المايحبها كال احبها
الثورة صارت للوطن نوط الاحرار
اتعلگت بصدورنا مثل الچدايل
______________________________________
حظر تجوال
ماكو انسان ظل مرتاح
نسأل ليش محجورين لا ميتين
مخنوكين جوى الگاع فوگ الگاع نفس الطين
ما نعرف نموت ابيش
چنه انخاف من الموت هسه انخاف من انعيش
گلنا انتاني عزرائيل چبيره هواي بطن الحوت شيفيد الصراخ واحنه مدفونين
من نصرخ يفززنه الصده والصوت
ديرم دمنه فوك اللوح
غريبه وجوهنه من النوح
ماظلت امتون ترافگ التابوت
يرب الموت
يمته نموت
وثن صرنه اعله ضهر الگاع هواي احنه ابطنها نفوت
المنايه التفت بگل صوب
ديره اتحشم بديره
وضيعنه صبر ايوب خلص گل عمرنه بس حلم واوهام
ترفه احلامنه مثل الندى من ايطيح ماتوگف بظهر الچام
صرخنه وصحنه من العام
والنمرود صاح بصوت علگوا احبال خل صوت المشانق يرعب الاجيال بيان وصدر حكم اعدام
اذا منموت يعني انام
الشاعر محمد السفير
