فقرة روازين لتوثيق الشعر الشعبي/ اعداد الشاعرة :علا الديواني

روازين حسينية
اشگد تمنيت انه حاضر بالطفوف
حته لو ما قاتل وي اهل الشيم
علاقل چف رمل واگطف علخيام
بلكي يحسبني علي مطفي الخيم

#حسين_العميدي/بابل
.............................
الهسه العلگمي يطلب من التل ماي
واثر لجدام زينب ينحلف بيهه
كتبوا حافيه من حقهم يگولون
چي داست شواربهم برجليهه

#عمار_عباس_الدراجي/ بصره

.............................
هذا ماتكلمت به العليله بعد ان فارقت اباها
فززني الحلم واركض بالدروب
شيحل افراكم لو حل الغروب

#محمد_ناصر /بغداد
...................... ............
أشما احسب واسولف وأنشد الروح
يطلع بالضبط تحصيل حاصل
زينب كاتله بداخلهه لوعات
ابكثر ما بالحرب عباس كاتل

#احمد_الهلالي/ ناصريه
.............. ............
الهسّه خجلان النهر منّك
’’ لأن باقي نهر وأنت ضريح

#فيان_البغدادي/بغداد
...............................
واجب على الشاعر لو كتب لحسين
يوضي اول حرف من بيت مطلعهه
وايدنگ خجل يستاذن العباس
لان تلچم اجروحه بيوم يسمعهه
طاح حجاب زينب بالقصيده اتگول
اش..وبالك العباس يسمعهه

#علاء_الجبوري /الديوانيه
...........................
بصحن الحسين البچي هيه الصلاه
اسوالف الدمعات اصح من الركع
والله لو متوسل ادم بالحسين
الهسه چان بجنه الله وما طلع

#حسين_ابو_عراق/الكوت

............................
ياحسين و ثوبك مسويلي صيت
ودفت روحي بطينتك واني بصباي
خادمك واتباهة بيك اكبال ابوي
وكاشخ اعللوادم بزودك ضواي
#محمد_الاعاجيبي/ السماوه
....................
يلترسم صور للطف اوصيك
بناء الطف ضخم اياك تهدم
بالف فارس اذا كل ريشه تنقاس
على رأس ابو فاضل طير ترسم

#صفاء_الصمت /.كربلاء
..........................
احترگن ابياتي بأثر من الطفوف
من كتبت حسين وجن بالخيم
بين اطفي النار ما بين المصاب
من شعر رديت بحروفي سهم

#سجد_المعموري/ الموصل
.................
روازين حسينية 20 🎬 دارميات
عصب اعيون النوك شك من عباته
خافن تصد وتشوف ضل لخواته
ابراهيم الكوفي /الديوانية
................🌹🌹..............
من أهد سبي ام عون والدگ عالمتون
تگزل لهسه النوگ لو شالت اظعون
قاسم أبو ألود /بغداد
................🌹🌹..............
تلهث تعب لو روك لو لاحتك نار
حته النفس يحسين من العطش حار
#مصطفى_الشرهاني/النجف
................🌹🌹..............
وصه الهوى العباس ساعة مماته
يتحنحن أله ايفوت لخيم خواته
بشار الاسمر الثانيه /الناصرية
................🌹🌹..............
كل الخدم تنهان شفناها بالعين
بس ابكرامه تعيش خدام الحسين
هاشم جويعد /كربلاء
................🌹🌹..............
راخي الحبل يحسين مو شدة ازلام
بس من ضحكهم كام ياكل بالاعضام
حسام الحمزاوي
حسام الحمزاوي/الحله
................🌹🌹..............
تبجي وتون وتنوح ما سكتوهه
سكتها ملج الموت يم راس ابوهه
سيد حامد الجمراوي /السماوه
................🌹🌹..............
لو بعده حي عباس من طاح امامه
جا من هذالك اليوم صارت قيامه
#محمد_السعيدي /البصره
................🌹🌹..............
سر الحياة ال لا هجي افهم الدين
لو سرها جان الماي ما عاش الحسين
سعد سعد الجنابي
سعد الجنابي /الديوانية
................🌹🌹..............
مو بالفرات الماي بكصصكم الماي
جاالمن العباس كتر النهر جاي
#حسن_ابو_الحديد /النجف
................🌹🌹..............
روازين 🎬 #وطنية 21
#ام_الانتصار_او_الانتصار
درينة اهل الكراسي تحرس الناس
بس تبوك بيهم مادرينة
دوم ابن الفقير بجفن ملفوف
وابنهم يكبر وبعدة بحضينة
#المرحوم_عبد_الحسين_الحلفي /العراق
❤❤❤❤❤❤❤❤
كافي تضل گطن يم ناس كلهم سود
رگبتك يمته تكسر عصة النداف..
هدل چتف الوطن گد مايشيع اعزاز
زحمة تحط بعد فوگ الچتاف اچتاف..
#هاني_العكيلي/العراق
❤❤❤❤❤❤❤❤
ياابو الخير انت تفيض خيرات
على الجيران واعيالك مساكين
حيطانك صفت بس الشعارات
هواية أحزاب واشوية الحياطين
#سمير_صبيح /العراق
❤❤❤❤❤❤❤❤
ليش انت ياموطني ماترسم خارطة
ترسم كرسي وعلم واحدودك مخربطة
#محمد_الغريب/العراق
❤❤❤❤❤❤❤❤
صارله هواي العراق
ليش يوميه جديد
عمره ب الالاف يمكن
حته من اصفن بعيد
من سالت الناس عنه
السبب كالو اكيد
من يشيب شعر راسه
رأساً يصبغه ب شهيد
محمد جابر /العراق
❤❤❤❤❤❤❤❤
حانت الساعه انتهه وكت السكوت
فاضت الغيره وبعد ما ظل صبر
عشره وي الموت من كد ما يمون
نزفله وين اليستحي منه الكبر
يعله صوت الحق على صوت الرصاص
احنه أما ننتصر او ننتصر
خيري دخيل/العراق
❤❤❤❤❤❤❤❤
قرار الشعب لابُد من شعاره يكون:
#المسؤول الينفّذ #والشعب قرّر
وَضِع خُطّة أمن مابين سين وْجيم
مايطلع عَلكَ من محكمه مزور
الشاعر محمد الفاطمي/العراق
❤❤❤❤❤❤❤❤
ياعراق وياك حد اخر نفس
واليمس كاعك نكص جفه اليمين
ومانكصله الثانيه خافن يكول
صرت عباس وطحت لجل الحسين
#قيس_المالكي//العراق
❤❤❤❤❤❤❤❤
مبيوعين
من أول عرف بلطين لاخر غربه بلتابوت
الهندس باكنه شراعين
والقبطان بجفوفه الضوه هلالين
ماراد اعلى جفنه يفوت
يكون ادري عليش أنموت
اذا ماعشنه ليش نموووت
#علي_عبد_القادر/العراق
❤❤❤❤❤❤❤❤
ولو معذور ...جفك للغرب مكيود ماتضحك الياهو الجان
من تضحك الولدك يوم خاف أيضيج خلك أيران
تب الدولة أسليمان
تب الكل سياسي زلوفه مكيودات وي نسمات سيد أفلان
تب الكل معمم مايصير أنسان
كافي نمووووووت
واحنه اهل النفس والماي
#عباس_علي_عبد_الحسين /العراق
❤❤❤❤❤❤❤❤
تقرالي لكنة عجم
وبس موطني اقرالك
وتسحب أقسامك كمت
من اخطف ابالك
#مرتضى_الازرقي/العراق
❤❤❤❤❤❤❤❤
معقولة انتفرق واحنة فد قرأن
وانبيع الوطن لللابسين الثام
لا والله نتصالح ياوطن نبنيك
و مو طاهر حليبة الما يشد احزام
#المرحوم_رحيم_المالكي/العراق
❤❤❤❤❤❤❤❤
لو امي خافت وتريد
تندل صدگ عنواني
بنص مطعم التركي هناك
لو تيهت تلگاني
#جبار_المياحي/العراق
❤❤❤❤❤❤❤❤
شما اكتب قصيدة و اسمك العنوان
تنذبح الحروف بشفتي أمن اقره
وشما اصفن الصوره اتلوك من اقراك
تجي محملة الثكالة الصوره و الفكره
#محمد_مجيد_الجبوري/العراق
❤❤❤❤❤❤❤❤
بلد متروس هم أمن الجدم للراس
اليتيم ابيته يدرس كضت البازه
يا أغنى بلد بس صيتك شمنطيك
تنطي بهل الشباب اتقدم اعوازه
وبحجة دفاعا ع الوطن ع الكاع
راح ابن الحنينه الواجب اعتازه
#سجاد_الغريب/العراق
❤❤❤❤❤❤❤❤
روازين #وطنية 🎬 22
اذا شكو هويتك واعتدو ع البيك
شيل ادم هوية وكلهم انه انسان
لطيف العامري/العراق
.................🌹🌹.................
انته اول بلد گبتگ ملاذ اطيور
وانته اول حمامة انولدت بحضرة
انته اول نبي يعلم معاني الدين
وانته اول رسول اكتابه ع الفطرة
بلد كلك خضار امنين ما تندار
فقط عن الحلف بس گبتك صفرة
لـ #عبدالله_سعدي/العراق
.................🌹🌹.................
نزلت الساحه التحرير
بس هيبة زلم بيه
مرات
الشوارب صيت
تاخذ دورها بنيه.
لـ فاطمة الجياشي /العراق
.................🌹🌹.................
دم حسين شفته بساحة التحرير..
يم مول النخيل ابساحة مظفر..
ابكل شارع شهم مجمور شفت حسين يتفجر
لـ #نوفل_الصافي /العراق
.................🌹🌹.................
بروج المواكح يفز للدمعة صوت
تفيض روحةشما يغثونة #النهر
طاحت الشيلة ورفس گلب العراق
وطگن من أگصارةظلعين #وكسر
لـ مرتضى الحزامي /العراق
.................🌹🌹.................
نفيت وستوطن الاغراب في بلدي
شطر من چنت اسمعه بلحظته يعدي
بس هذا الشطر هسه انطبع بالراس
ومن يطبع براسي يجيب ويودي
من شفت (الايراني)مخوصر ابغداد
وعراقي اعل الرصيف مگابله يجدي
لـ حامد الشمري /العراق
.................🌹🌹.................
بقينه اعله الجبل رمايت اسهام
ونزلت غيرنه تلم الغنايم
نقفل عل عطش ما نحفر البير
اذا نحفر متر تطلع جماجم
لـ #سمير_صبيح/العراق
.................🌹🌹.................
نرد؟ المن نرد؟ والوطن.. بالشارع..
نرد؟والگاع؟
ياهو ال عن هله يدافع؟؟
أهو يوم المواقف.. واليرد يبيع..
شمر وحسين.. وانت بكيفك تبايع..
لـ #مصطفى_نعمة/العراق
.................🌹🌹.................
ولا تفكر تعتقلني اني ما تلكاني بية
اني صرخة بكل كلب ضاكة الحزن
اعتقل كل ذاكره وطلعني منها
الشاعر براس الشعب مو بالسجن
لـ عقيل العرد/العراق
.................🌹🌹.................
عِلـة صوت الـهلاهل حـي الاوولاد
يـرف عـرج الشـوارب لو نخـة حجـاب
بيـان الـدم صـرخ لارجـعة بالثـار
الحگ والنصـر راهنتـة الـ ارگـاب
الشـجاع يمـوت مرة وفعلـة اليعيش
والـف مـوتة الجبـان يدور اسبـاب
لـ #سرى_الحسين /العراق
.................🌹🌹.................
#روازين_وطنية_23 🎬
الدمع نيشان
لليغرف حزن روحه
سحكنة الموت وأحنه صغار
لاعيد العثر بينه ولاشبگتنه مرجوحه
ميثاق الهلالي /العراق
.............🌹🌹...............
مثل طبع النخل تنطي ليرامي عليك
ولا رجعت واحد فارغه اسلاله
تعزب بالنفط للرايح وللجاي
وعلى عيالك بخلت بترست الاله
حسين البنداوي/العراق
............🌹🌹...............
احنه احرار يوجعنه الياذي الكاع
تره من طينهه ومن تنعصر نلتم
ثورة( لا) وكافي وما اضل انگاد
كاافي امن الصبح لليل نتألم
كافي ودمنه عاجل عالفضائيات
غصبا عالكراسي اليوم راح احلم
محمد مخيلف/العراق
............🌹🌹...............
اركض لو سمعت الوطن ناداني
رشاشه تصير ابيدي شرياني
وامي تطلع وياي
تشمر طاسه الماي
توصيني اطيحن كبل خواني...
الشاعر مهند السيد هاشم/العراق
.............🌹🌹...............
بطلنه الحجر يغراب عطشانين
من هاي الشباب نعبي بلجره.
ومتنانين ماي يفيض للثوار
مو دم وقمع وعيونه مجمره
امجد الزيدي/العراق
............🌹🌹...............
اليمتى نموت اليمتى يخضر ابدال الورد تابوت
نريد نعيش خل نبقى بلاية اجفوف
بس نرسم احلام ابتوت
نريد الطير ما ينصاد يبقى يطير
يم كبت علي ويفوت
نريد الكمر يبقى بخير
ولا تدنه يمه الحوت
نريد الناس تفرح كون كلها اعراس
ولا يبقى اثر لجتاف كل زاتوت
#الراحل_حسن_الشيخ_هادي/العراق
............🌹🌹...............
هذا العاشگه وبطيحتي اوميله
هذا الي بصحوتي وغفوتي ابجيله
.
.
هذا شماغ ابونه الوطن بس مرات
توگع دمعته ويصير منديله
شجاع الحليحل/العراق
............🌹🌹...............
يا نوح الماعنده سفينة
وآمنا وغركنا الدم
جم زمزم تحتاج وتروى
يل كل شبانك زمزم
شتخضر يالزارع ناسك
ومشبعهم موت وشم
Bushra Rahman
#بشرى_رحمن /العراق
............🌹🌹...............
ركضت والفشك من يركض يعور
واجه وياها النده عله وليدها يدور
شعرها وبالها عله وليدها مفرعات
الزلف لو مامحجب بلهوى يشور
#حمزة_الجابري/العراق
............🌹🌹...............
وطن بي كلشي صاير اغله من الدم
وطن فجاره صار الجار وأبن العم
.
.
بس الحلوه بي مايشتكي من العوز
درس عد حيدر الكرار وأتعلم
يوميه اعله ريجه ويدگ باب الموت
ينطي چم شهيد ويرجع ملثم
د.عبدالله ولاء السلامي/العراق
............🌹🌹...............
روازين #الشهداء 24 🇶🇮🇶🇮🇶🇮
أحلم وطن بلون الناس
مابي ناس
تموت إعله بعيرة جساس
ومابي واحد يهدم بيته ..
و يعمر بيت الترباس !
عماد المطاريحي /العراق
🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶
على لسان زوجه شهيد:
عندي اربع أيتام أكبرهم ازغير
طلع چتال ابوهم بالعفو العام
تهتمته 4 أرهاب ويطلع افراج
وانه ابلا تهمه حكموني اربع أيتام
#وليد_العگيلي /العراق
🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶
الوعي يا صاحبي من اتداوم يموت
لا تلبس الابيض ألبس اسود
المعلم من يگلك غايب افلان
گله استاد ما غايب استشهد
حسام الحمزاوي /العراق
🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶
فرق بين اليدور صيت بالموت
وفرق البلخيانه ايدور الصيت
اذا بالطگ زلمكم خلصت ابساع
احنه ازلامنه مخلصه التوابيت
#علاء_الخيكاني /العراق
🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶
ها يا نزف ،؟
يا سولة گلوب النشامه
شويه ريض ،
مشتهين نعيش ، ملينا القيامه
جواد زغير /العراق
🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶
و ذيچ امي..
الشالت العوز بگفاهه
و ثوبت بفراگي ماي
وهذا ابوي
محدب ويمشي ضرير
وذاك جتالي الامير
#جهاد_ياسين /العراق
🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶
الشايب من يموت انشگ الهدوم
يا ثوب النشگه أعله العراريس
#جواد_الحمراني /العراق
🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶
هسه اشلونكم واشلون الاحوال
يالبگتوا وطن وأحلام الاجيال
يلخليتوا دمنه انهار للبيع
وتغرفون بجماجم.روس الاطفال
#ادهم_عادل /العراق
🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶
بعد لسه صوركم عالحياطين
وبعدهي اعماركم ماشبعت اسنين
الگد اعماركم مو موته عرسان
شموس وماتهنيتوا بروازين
حسين الثويني /العراق
🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶
تارسني حرگه الوطن
حد كضتي الضلعي
انه الحنين الذي
متلثم اتظاهرت
عرفوني من دمعي
#حيدر_العماري /العراق
🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶
روازين 25🎬
طالب بحقه ورجع لأمه موذر
رادوا يعطرونه ولكوه معطر
تابوت يتوچه اهله تابوت
صحبان يتمشون للموت
يولاد مو.كلكم تموتون
خلولكم يحنان زاتوت
عامر عاصي /العراق
........................
انصحك يا وطن زف كاعك الفلاح
كون رسوم وجهه التعب بيهه يجول
المساحي التطلع عليهه الشمس تنعاب
تزف غبشه بالسنهه تطلع المحصول
الركضوا من طحت مو كلهم يتچون
دور.تلگه فزعه بگصه المشلول
مصطفى حرب /العراق
.............................
هذا.الگبر مابي حضن
والدنيه موت من البرد
وحشة عليك المگبره
مابيهه البگدك ولد
#ابتهال_حسن/العراق
........................
خلص عمرة وگفة العلم حتة ايعيش ...
بس فوگ الشهيد ايمدد ويرتاح ...
اياد الحمزاوي /العراق
...................................
بعد وين نريد نوصل؟
تعب من عدنة التعب
صارت التيجان اكثر
من عدد روس الشعب!
#حسين_المطوري /العراق
........................................
بحافر خيلهم دم ختم فوك الطين
وعرفت اضلوع اخوتي اشلون مسحوكه
مهند عطشان /العراق
........................
والله وداعتك وترابك اتشور
بخيت وبيك شاره وبختك يعثر
عراق تظل لغز والله لنفخ الصور
بس انته وطن ملموم و تطشر
#سمير_صبيح/العراق
.................... ......
دم سال وفقدنه ارگاب فوگ ارگاب.
مابيكم شريف اليستحي اعله امره
انعم الله عله الرصيف الاوئ چم انسان
وچم موقف. تقاطع. لابد. انشكره
واثق الريشاوي /العراق
.....................
دليني وين ابچيلك وكون
ماينسمع صوتي ويفزعون
ريت السلف كلهم يموتون
والطم لما تتلاگه المتون
‏عباس آل سماح‏ /العراق
.....................................
الگاع گاعي الوطن بيتي
وانته تدري
بلايه دگت باب افوت
علم بيدي سلاحي ورده
واني قائد
وين ما يحلالي اموت
عباس عظيم الياسري /العراق
................................
روازين 26 🎬
شريف ابني وشهم بس ناقصة العوز
عزيز النفس تشهدله صفاته
وعلي جيرانه بسمه يحلفون
وبنات المنطقة كلهن خواته
حمزة الحلفي /العراق
..........................🎬🌹🎬.................
واعبر مو حلم كلي لخضارك هاك
ندى اعلرموش جفنك حالف اتوزع
كطره بغيمة روحي مدولبتها الريح
لا طحت اوي اخوتي ولا شمل يرجع
علاء المكتومي/العراق
..........................🎬🌹🎬.................
تذبح بأخوتي ومستعز بيك
أموت وخلفتلك واحد يموت
ومو من هسه أبشرك طاگنه الظيم
لعبنه إيجار حتى أبيت البيوت !!!
#جبار_رشيد/العراق
...........................🎬🌹🎬.................
لكينة بساحة التحرير صح نسوان
بس ارجال بالموقف
تحط ابراسها احجابين
واحد للستر والثاني للينزف
علي المنصوري/العراق
..........................🎬🌹🎬.................
وطن من باب الميانه احچي عليك
ابينه موت وملح عشره وفگد؟
امننكت الحيطان منها اتطيح ناس
من كثر مادگ قطع بيهم واشد
#علي_خلف /العراق
..........................🎬🌹🎬.................
مابخل عالموت شعبي اشكد كريم
احمرت الكاع وسما أمن الدم نزف
لو ينكس العلم حزن الكل شهيد
جان ماعدنه علم بالدنيا رف
#محمود_عبد_العزيز/العراق
..........................🎬🌹🎬.................
مو بالعافيه اعليچن يالگبور
إخذتن شاب ماينشاف ينشم!
.
.
إعله گد مالايگه بوجهه التعابير
ضحكته تصالح البيناتهم دم!!!!!!
الشاعر مالك السلطاني/العراق
.......................
ها .. يالموت
مو كافي ابدربنه اتفوت
من گد ماتمر بينه .. تعبت السـﭼـﭺ
والمله والزاتوت
لا يالموت
بحضان الوطن نحلم نغمض العين
موش بلوحة التابوت
لا يالموت .. لا يالموت
ابو طيبة الطائي /العراق
.............................
واكفه بحيلي گبل عزه وشموخ
هسه من ثگل الحزن يمه انحنيت
.
.
عدها نية بزفتك تدبچ عمام
اتصير من حصة المگابر ما دريت
Zainab Ghassan
#زينب_غسان_البياتي /العراق
............
وهو يرثي الشهيد
اليدري بس الله شكثر مشتاگلك
الخط الاسود بالصور ما لاگلك
وكبرت بروحي غربتك واشتهيت
تشوف.دمعي شگد سوالف ضاملك
#علي_محمد_العبودي/العراق
.................
روازين 27 🎬
اجاني الموت غفلة بشكل ماي وطف
واخذ وين العزيز اعله السفر هرف
وحملني الثكال الماحملهه الطود
شثكل حجي الكتب ماهدل متن الرف
عدنان الرسيني / العراق
📃📃📃📃📃📃📃📃📃📃📃📃
جهال اهواي بيك وشحة بالاباء
اهو يخالف واحنة نكول ميخالف
احلفت قرأن تلغلي الذبح شو زاد
جا شيصير اذن لو عالطبر حالف
بشار المشهداني / العراق
📃📃📃📃📃📃📃📃📃📃📃📃
تنتظر من؟ واكف اباب السنين
وعايش بلا راي ومتاني اليجوك
وانتة بس دكة كلب وتلح عليك
لا تسد الباب بلكي يرد اخوك
محمد سهيل / العراق
📃📃📃📃📃📃📃📃📃📃📃📃
كبل ماننتخبكم للنجف ترحون
وعلي ! تنسونة ترحون لرجال الدين
وترجعون بكراسي ونمشي بالتابوت
نتلاكة خشب بس النواية اثنين
خشبكم بي درب للمنطقة الخضراء
وخشبنا نروح بي للمكبره مغبشين
#رائد_ابو_فتيان / العراق
📃📃📃📃📃📃📃📃📃📃📃📃
امي تكلي اركد يا جرح ياذيك
كافي تنوح يبني اصوابك يهدني
شجاوبها وشكلها الونه تذبح حيل
ما مجروح يمه الوطن يوجعني
احمد البدراني / العراق
📃📃📃📃📃📃📃📃📃📃📃📃
م̷ـــِْن ادم الهذا الًيَوُمًِ
شنهو الشفنة غير الدم
اول قطرة م̷ـــِْن هابيل
الاخيرة ربك اليعلم
عجيبة ياوطن لليوم
جرحك صاير مثلم
#علي_البدري / العراق
📃📃📃📃📃📃📃📃📃📃📃📃
يزاتوت الزلم ريض
لاتسگي النوايح خل عرجهه يموت
قلم كحلة عمرنة وينثلم بالقط
مٱذن كَبرَت
والريح جاب الصوت
حي عل القيامة وحان وقت الموت
حي عل المگابر والجثث والدود
حي عل الترس جيبه بوطن فرهود
قد قامت ضماير ماتخاف الله
ضماير سود
ضماير كلشي ماسمعت
ضماير جاعت وشبعت
مبدر الﻻمي / العراق
📃📃📃📃📃📃📃📃📃📃📃📃
اضن هذا الكبر درن ثداياي
واضن زعلان مني وجهك اهواي
فكولة الكبر خل يحجي وياي
تحجي اوياي لو اكشف المستور
و اشمر شيلتي واتعيرك اكبور
انة توني عرفته شنهو عاشور
شدو راحتي برجلين عصفور
عباس الشحماني / العراق
📃📃📃📃📃📃📃📃📃📃📃📃
حفنة من كبر الشهيد اتراب سوينا تتن
ردنا يشربها السياسي حتى يدمن ع الوطن
كال عذرا اني أدخن تلك ابيب
تسوي شحطة أم الوطن
#سجاد_الكفائي / العراق
📃📃📃📃📃📃📃📃📃📃📃📃
فريضه اني بمضيفي الدله هيل تفوح
وع الساتر تفكتي تفوح بس دخان
معلم ع الحرب متيمم ابارود
وصلاة النصر اصلي شما سمعت أذان
تره الشيطان يركب راس كل مختاض
وانه من اختاض اركب راسه لشيطان
#محمد_عضيد_اللامي / العراق
📃📃📃📃📃📃📃📃📃📃📃📃
روازين 28 🎬
سحقاً يانفط يالعنة التاريخ
يانظرت حسد بعيون مكحوله
من يوم الطلعت بكاعنه لهاليوم
جنابك مشتعل والناس مشعوله
#المرحوم_عطا_السعيدي /العراق
📃📃📃📃📃📃📃📃📃📃
الك نيه ترد مو كله ازلوفي الشيب
الي يم الله كل اغروب تسيوره
يغافلني الدمع يوصل لراك العين
واني بنص اخوتي وعيني محضوره
.
.
اندليت السمة من كثر ما ادك بوب
رد مو شيلة أمي انترست انذوره
#علاء_الخيكاني /العراق
📃📃📃📃📃📃📃📃📃📃
مانندل شدهنه الخوف
شدهنه الموت
نتعثر حطب بالنار
ندور جلمه تجوي الثار
ندور بالحلم معبار
ضيعنه النبي والسجه والتاريخ
ولهسه نسولف اعله الغار
المتظاهر قاسم بخيت /العراق
📃📃📃📃📃📃📃📃📃📃
كليط ومن اطبن يكشخ الديوان
لاويت العسيم وعمري نص اردان
انة و ابرنو ابوي بيوم صرنة اخوان
وغطتنه أمي بنفس الشيله
#مصطفى_الفرطوسي /العراق
📃📃📃📃📃📃📃📃📃📃
ابشري يمه وداعتچ بالملگه هيچ
مشچل واحصد رگب جرذانها
الا اطربس گاعي من دم الغزاة
وچفي ملچ الموت كف اردانها
مو ابن موگد اذا ما اهد شرار
والله اصفيهه واذري ادنانها
#احمد_التميمي /العراق
📃📃📃📃📃📃📃📃📃📃📃
بعد لازم اوضحهة القضية
و كلمن خل يحس بضيم أخية
من شفت الشباب تموت وتطيح
كامت ترفس بجيبي الهويه
هاي اضلوعي فصلوهن توابيت
خاف تريد ولد الناصرية
سجاد المالكي /العراق
📃📃📃📃📃📃📃📃📃📃
كلبت الجثث ردت اعرف الميتين
آمنين اصوابهم واشلون لايحته
ولا واحد كلبته ومن كفاه مصيوب
ياهو البيدي اكلبه بصدره جايسته
#محمد_جبار /العراق
📃📃📃📃📃📃📃📃📃📃
السيد صاح ولدي وكشع جلد الكاع
من سمعت علي وعثمان صاح ابشر
تعانكنا لما كال الفرات افيش
لحد ما عرف مايه بيا وجه مغزر
.
.
احنة ثنين من جف ما نصير اثنين
بس وكت النصر بثنينة اناشر
#علي_هلوس /العراق
📃📃📃📃📃📃📃📃📃📃
هلا بالواعد اخته وباللعب جوله
وكض اشواربه وكاللها محلوله
كون العدها اخو ويلتحق مو بس ماي
من يطلع وراه تشمر الهلهوله
تره خوية الوطن والشيله نفس العيب
لو طاحن تصبح بالشرف لوله
لينا شاه زنان /العراق
📃📃📃📃📃📃📃📃📃📃
بذمتمن بلد مبيوع للغربه
وجمدوب المجرب نرجع انجربه
وطن مابيك خير يلزملهه اعنان
يعدل بين شعبه وجويه التربه
#علي_محمد_العبودي /العراق
📃📃📃📃📃📃📃📃📃📃
روازين 29 🎬
ها يحمود
موتدري الحرب ذلة .؟
موتدري الحرب بالعوز مو سهلة .؟
حمد كل عمرة شابع موت وانت تغازل بدجلة
حمد جوعان
وبلا راي شفته علـ خبز صلة .!
حمد محد حماة بالليل ليش يحامي لدولة
حمد مسكين بس الموت يندلة
مثنى الشويلي /العراق
📃📃📃📃📃📃📃📃📃📃📃📃
سؤال من الوكَفلك سيفك ودِرعك
المايقبل يِصَل بسمار يم ضلعك
جاوب ياعراق وشعبك يسمعك
بعدلَك جم شهيد ويستقر وضعك؟
الشاعر محمد الفاطمي/العراق
📃📃📃📃📃📃📃📃📃📃📃📃
گتلك بيش أجيبك گلت حضر دم
گتلك شاب..؟ شايب..؟؟ گلت ما يندم
وطلعنه أشكال إلك شايب وحرمه وشاب
وعجوز وتوه يمشي وعاجز ويحلم
وصحنه إنريد كلك ما نريد أقسام
شعب من الله نكره طاري المقسم
بشار المحاويلي /العراق
📃📃📃📃📃📃📃📃📃📃📃📃
من جمعة للـجمعة ....
انتاني هالصوت !
ومابيناتهن ....
نتنفس الموت !!
گضّينه العمر ....
نرفع بالأعلام ...
وبنفس العلم ....
نرجع بتابوت
الشاعر والاعلامي سعد الربيعي/العراق
📃📃📃📃📃📃📃📃📃📃📃📃
باچر
تخضّر رحلتك وطن
ونجوم ..
وقصيده ..
وشمس تكبر عالظلام ..
وباچر
الگلتلها ( أحبچ )
تترس الدنيا چفافي
وكل عمرها يصير عيد
وتمشي
تتباهى على حِلها
الحلوه محبوبة ( شهيد )
لطيف العامري /العراق
📃📃📃📃📃📃📃📃📃📃📃📃
من كثر ما زقيتي وادم للكاع
لليوم ما عادل كفاه المعول
ياول مره تعزب ولد عيب الزاد
شياب بس عشرينهم ما كمل
الله يصبرج ما تشيله الكيعان
شتعودلج ذيج الشريفه العالتل
محمد كريم الغزي. /العراق
📃📃📃📃📃📃📃📃📃📃📃📃
ياتابوت شو رديت
شو رديت
هذا البيك لون العلم لون الدم
شجاك ودومك ملثم
ولك بشرني يالتابوت ماگعدوو
.
.
.
صورهم طالعه تخبل ورد وشموع
حفنه من الشلب حاضنها چف الخيص
اليوم انگصت بحرگه
الغصن مابي بعد ورگه
فيصل الحچيمي /العراق
📃📃📃📃📃📃📃📃📃📃📃📃
ولدك تره تخاربو
وذاك السلام انكطع
بالبيت لكن غرب
كل واحد بغرفه
الماي اذا ماصفه
الشب يسوي عذب
بس انت مانفتهم
شنحطلك وتصفه؟؟
#ايهاب_المالكي /العراق
📃📃📃📃📃📃📃📃📃📃📃📃
شافت الكاع انترست اجروح و دم
ركضت زغيره تكول شاب محزم
شالت علمهه وضحكت شكد للناس
حتى الزغار ابكاعنه شبعت هم
الشاعر علي الديواني /العراق
📃📃📃📃📃📃📃📃📃📃📃📃
قناصهم لاح الدللول
و دموعهن دگن للحجول
كون الگلب بي باب مقفول
چا بيه اضمك يا حلو الطول
.
.
ضلت تدر دم الثدايه
و الشيب چلچل عل عبايه
متخرطه اخدود النثايه
عالشيعوه وفوگه رايه
موعود قاسم /العراق
📃📃📃📃📃📃📃📃📃📃📃📃
روازين 30 شماخذ من وطن يوميه مأخذ شاب
اظل لياوكت بس ساكت وصابر
اشو ميت عليك..وميت من الجوع
شوف الجوع بيه اشجم أثر حافر
شلناك بوكت بي ازمه مال اجتاف
كسرنه ظهورنه ومكسرنه الك خاطر

حسام الخالدي/العراق


مجانا تطب سينما التحريرماتكطع بطاقه وتحجز أرقام
مشاهد خوف ما مرت على البال
عجيبه وماتجي حته بالأحلام
كل ساعه خطف كل ساعه مغدور
وشهيد يطيح عمره 15 عام

حمزة الحلفي /العراق

المطر لو طاح ما يغسل ثتايه الدماليموت بديرتي اعله الحك فشل ينذم
الثوره أتريد وأدم ما تريد أحزاب
الفتح عقله برصاصة ومابقه ملثم
الدم سر العزيز ومايشيله ألبير
فوك سيوفهم كلما كثر يثلم

#أحمد_نصيف /العراق


جبت عمري سلم ويكلي مو سلمي
وأنه من أجل السلام انكسر ضلع أمي
اجاني ملثم وخله بركبتي السيف
ماحز منحري لكن ذبح حلمي
واجه غيره بعد ويصيح بسم الله
ناوي اعله الذبح والمشكله يسمي

الشاعر محمد الفاطمي /العراق

طبيت للمكبرهشو كلهه يمي إجت
الناس عدله اطلعت جا يا هم الموته
ها
ها
الموته أنه الخفت والماتظاهر امس
وياك لمن طحت والما طلع صوته

سعود عزيز الخفاجي /العراق

ما اعود لبيتي خل يسمع يزيداني باقي ومعتصم ومتاني
إلا بالتابوت ارجع تدري ليش
جي حجاها القائد السيستاني

#حيدر_الحكيم/العراق

الأرض والعرض لا توصلهن اتنحهوجعهن كلك يهلكك عرج رحه
سجاده صلاه لو درت فوكي اتصير
تتيمم وتركع يالله أطرحه
طشرني البذر يعرف شلون يعيش
المبرد ما يخوفه الرايد يذبحه
رصاصك زرف كلبي وطرني بس ما موت
بزرف كلوبنه نرهم خرز سبحه
رضا العبادي /العراق


يمته انعيش مثل الناسويمته نموت مثل الناس؟
هضيمه أنصاحب الدخان
واحنه اليسجدنه الياس
وهضيمه انعاشر التيجان
واحنه أهل الوطن والرأس
زين العابدين السعيدي /العراق


فقيره . .
احلامنه الماتت
جانت . .
كل حلمها تعيش . . .

شذر آل كريم /العراق

الله يريد ناس تفيد

مو بس المنافعها

الديرة البيها فقرة أعلى الرصيف تنام ‌

چذابه جوامعها

حيدر الشكري /العراق

روازين
صعبه يهد سلف ع البابه ينطي امراد
والاصعب موقف التاريخ ينكرنه
مو كل جفن يضل ع الباب أثر حنه
و ولا كل الخشب تابوت للجنه
مرات الحطب يتمنه يشرب ماي
حتى يموت سكته ولا نموت احنه

مصطفى العيساوي /العراق

ها قصروا لمن دفعوا البابوهي ما قصرت كل ضنهه خطار
شبو نار بس إكرام للضيف
ضلعهه اتحزم وعزبله بسمار

#احمد_معله /العراق

عصرت فاطمه ومحسنهه خلف البابكالوا طاح محسن هاي معناهه
محسن ما وكع شالته الغيره وطاح
حته الزهره من تهوه ايتلكاهه

#سعد_هادي_الشمري/العراق

اسولف والدموع أخبار تكتب محنة الزهره
يجويني الجرح كلساع واحس بملاهب الجمره
ياوردة وكطعهه الموت وعلى اضلوعج أثر عصره
يقارورة علي الكرار على عيونج طبع سطره

#ابو_باقر_الساعدي/العراق

الهوه غوش هبوب وسورب الفراشوختل يرجف كحل والورده صاحتله
فلسني ورك هفي اعله وجهي الباب
حركوا باب ابونه ومو وكت ختله
هوه خملي الهوه جا هيج المجازاه
علي من اختنك من ريته فلسله

الشاعر حسين العجيلي/العراق

جاي النصر جيت حيل للفحطان
والكواكم الله الدنيا تخرسها
ماظن ربك يفشل العجايز هاي
وأهي تداين وتشتري ملبسها

#حسن_البركي/العراق

لو اشيل العلم لو بالعلم ملفوفاني براسي السواتر بالحرب تختل
واني ابن الذي يسحب السانه أقسام
بوكت جان الفشك عد العرب يرتل

#كاظم_الحمداني /العراق

ننزف والوطن يحله
نرخص والوطن يغله
بس المشكله ولا كالها الله تصير
الوطن لو طاح واتبده
بعد بعيوني المن ضاله الكحله؟

#أثير_السعداوي/-العراق

وطن تنزف اولدك تنزف اعله الموتالشباب اتقل واليجدون بيك اتزود
وطن دومك مفشخ منخلق حاجوز
جايمته نشوفك يا وطن صايود

#أيمن_صيوان/العراق

صار اسنين ساكتلك عله الصاروححيت وحاربتني اعله انفعالي
دمي اتنفست من شربته الكاع
الرصاصة البيه وسلاحك حلالي

#حسام_الخفاجي/العراق

روازين 31 يا عصر الفواتح يا زمان الموت
كافي من الذبح مو ناس ماظلّت
ضاگت گاعنه من گبور فوگ گبور
فوگ گبور أهلنا اگبورنه اتعلّت

#المرحوم_عريان_السيد_خلف/العراق
شسمها الخارطة البيها العراقيين ؟يكلي أستاذ اسمها الخارطة الحمره
عددلي العراق شعنده من جيران
يكلي اجلاب كلها انيابها مكشره
احجيلي اعلنفط وشعدنه من مخزون
يكلي امن النفط ما نمتلك كطره
#جبار_عبادي/ العراق
اموت آنة وتعيش انت
آحـبك هيچ
وطن حر بلساني تعيش سالفتك

وطن بيك الغرب تاخذ ارض وبيوت
وناسك حايرة تعزب بفاتحتك
عبدالله يوسف /العراق
احني رأسك من تكول الناصريه
واحتراما كل حرف تأخذ تحيه
شرط تتوضه اذا تذكر اسمهه
الغيره مسقط رأسها بكصه زلمهه
عادوا التاريخ من حركوا خيمهه
حته تبقه بكل وكت زينب سبيه

جبار المياحي /العراق
إحنه جيل بكيفنه محَد يلمنه
نموت و نعيش بهوانه
نصيح و اليوگف صدانه
نطيح و نشيل الورانه…

الوطن من ينشگ قميصه نلَبسه لون بمشتهانه

#اسامه_الفيروز /العراق
حرگوا الخيمة بوكتچانت الدنيا گصب
وچان البگلبه رحم
عود البگلبه رحم ، من يلتفتلك حطب!!

ضياء المياحي/العراق
باجر لون ابيض ياوطن تنشاف
باجر والسواد بداخلك يصفه
شما ظليت سلمي وداعتك هيهات
حرامية العراق عيونهم تغفه
طشلك مي ورد تشتعل بيهم نار
اذا تشعل النار كلوبهم تطفه

سالم الدبيسي/ العراق

باعوا واشتروا واستلموا المعلوم
وكلمن لم غراضه وحملاهه وشال
قسم باك النفط والثاني باك آثار
وعقارات واراضي وقسم باع جبال
وحكك ياوطن باعك ردي الذات
والمطعون باصله وبيه دغش بالخال
وإلا انت إتعرفنه من ايتوازه السيل
تنشال الرواسي واحنه ماننشال

#المرحوم_عطا_السعيدي/ العراق

يحسين طفك رجعبس عوزه انت تجي

بس كون سكته تجي
خاف العمايم تحس
تكطع عليك الدرب

َهل مره موحرمله
وين العليكم لطم
هوه اليشن الحرب

سيف الدين المهنا/ العراق



روازين 32  جنايتي اني آخ وصبر
محصولي منهن ونه..
حتى الشمس فيهة العصر بي منةَ !
لاسالفه تلم العشك
لاخير يمثنه..
هاي الكراسي البلوطن
عكس الأمم تاكلنه..
الشاعر علي الصفراني / العراق
جدوو ( باچر يستقر وضع العراق )
ابعمرك انا وجدي گلي بهل خبر .
و لا تسولف .. ضمه لابنك من يصير.
وليد عنده وقشمره بهذا السطر.
سعد الازرقي /العراق
حانت الساعه انتهه وكت السكوتفاضت الغيره وبعد ما ظل صبر
عشره وي الموت من كد ما يمون
نزفله وين اليستحي منه الكبر
يعله صوت الحق على صوت الرصاص
احنه أما ننتصر او ننتصر

خيري دخيل/العراق
ماتدري شتحس داخلك من تنغلب!!
لمن يكودون كاعك للغريب
ونت لسى بعينك تراب الحرب,,
صفاء الصمت/ العراق
الخيم نفس الخيم والنار نفس النارواجزم بالحسن نفس القضيه

بس بذيج سيف يواجه اسيوف
وهاي السان واجه بندقيه

واذا للناصريه اتفصل الموت
هذا اني اعله دين الناصريه

#ولاء_الركابي / العراق
هسه ام الشهيد شلون حالتها؟
نشفت لو بعدها تسيل دمعتها

ابكثر ماناحت اعله اوليدها المذبوح
صوت الناي يبچي الصوت ونتها

القاتل.. واليحرض.. والسبب بالصار
بيهم كون تطلع هاي حرگتها

الشاعر واثق العيساوي / العراق
ادوّر وين؟
وطن بي ريحة الحرمل
حرز مضمون
وأم اتصيح (يوليدي)
ربي من البشر يرعاك
تودعني وداع اطيور
وتتلكاني حر اصواب
ورايح جاي..
تطش ضحكتها الي بالباب

باسم البديري /العراق
جاي اتخيّل المشهد ..

شهيد و عايف الجنة ،
و يباوع من شبابيچ السمة بهَمَّه

شاف انباعت الثورة و غبگ‌ دَمه

#إيهاب_عيال_الضالمي / العراق
اجلبنك يليلي والزلم برة
بعز هذا البرد وخيمهم منوره
بدم صحبانهم منتصره هالثوره
اسباع وكالو نرد الوطن هيبه
اجلبنك يليلي ثنعش تجليبه

هالي نور/العراق
عشت طير بوكت كل ربعي صيّادين
يرميني واكَولن جاع متختّل

لا حاضي بسعاده ولا لي صاحب زين
ولاني الحضه بولفه ويمهم و هلهل

ولاني الاضحك ومن كَلب مثل الناس
ولا عندي وطن من خوفي بيده اختل

#احمد_القيصر/ العراق

#روازين 34 🎬
يوكتي الفرعيت احجايتي ابوجه اللسن
انه جن اجنازه شيل من الطراف
وياجنازه البيهه تلكالك حضن
وانه سالوفه عشك تبجي اعله حلهه
الخبزه تدري ال مو حلال
اعله الطبك تشتم فشلهه
الحره كشختها بخجلهه
الشاعر علي الصفراني /العراق
📖📖📖📖📖📖📖📖📖📖
لا تكثر اشلونك اتصبح رخيص
وحته كلمه زين تطلع باهته
السلام اعله الغرب تنور حار
ابنادم وثلجه اعله ولد اولايته
بعد ماكو من الكلام الزعل صار
من العيون اتعرف ثكل احجايته
#محمد_جبر_الدراجي/العراق
📖📖📖📖📖📖📖📖📖📖
طيور ومن مشوا بس الأغصان تشوف
دمعتهم حبر واعله الغصن تكتب
طيور ومن ينوح البلبل ابستان
كل فختايه تسكت حته تستوعب
نوعين الجرح للفاكدين اعزاز
واحد بالصور والثاني بالمغرب
#علي_الشيباني / العراق
📖📖📖📖📖📖📖📖📖📖
عندي الصداقه وطن ..مو سهر حد الصبح
وانجاني اتعذرت راسا شكل ذمتي
عديت ربعي الوفو للخنصر وخلصوا
ضميت اديه وصحت يابويه يافشلتي
لا شلت ايدي بزعل ولا فاجئت صاحبي
ادفع كلتي بالتي احسن وادك لافته
منا وهيج بعد مو كل وجه يقترب ينشاف بمرايتي
#علاء_الزبيدي /العراق
📖📖📖📖📖📖📖📖📖📖
تذم ليش النده وعلورد مامجبور
ماتعرف تشم بس سولتك تشلع
ماصدكك بعد من يرد عيد وياك
يم باب العشك بالك تجي وتركع
اليمر وي روحي ايشد علك ويروح
وانته اتشد ملح بجروحي من تكطع
#علي_خلف /العراق
📖📖📖📖📖📖📖📖📖📖
لا والله وگدر ينساني ويكمل
متوقع جنت فرگاي مو هين
كون اعرف اكابر يمه من يفوت
بس هو اليحب من يضعف يبين
معقولة البُعد ميأذي گلبه.. شلون !!
على مشهد فيلم يتأذى الـ حنَين
حسام الخالدي /العراق
📖📖📖📖📖📖📖📖📖📖
أنه الصاير أخوك بشحت الخوه
وانه التارس گفاك حزام بالنخوه
شمالك بالحقد چنك سواد الليل
تره بلايه الكمر مكروه مايسوه
الشاعر علاء الجبوري /العراق
📖📖📖📖📖📖📖📖📖📖
كل خطوه يحركني الندم
كل خطوه يكبر ذنبي
جنت اكتم اي شي ينحجي
وجايب غلاتي بتعبي
وما أفكر بنقطة ضعف
بس من عرفتك واني احس
صاير الساني بكلبي
#أمير_فاهم/العراق
📖📖📖📖📖📖📖📖📖📖
تدري حسبالي الحزن . جلمه بجريده
يموت من تغفه المقاهي
يااا أللاهي
مدري حزن اعيوني يلمع
مدري حزن الدنيا فاهي
#ابراهيم_الرائدي/العراق
📖📖📖📖📖📖📖📖📖📖
اعله گد اسمك رسمت الصفنه مرجوحه
ولگيت اسمي طفل فرحان
بيك ويدفع بروحه ..!
سعود عزيز الخفاجي /العراق
📖📖📖📖📖📖📖📖📖📖
يدولاب وعلي تفتر
يضل اليمته شباجك يودي
امراده لل مرتاح
وانه كبالك المضطر
#فاضل_علي/العراق
📖📖📖📖📖📖📖📖📖📖
غصبن ع الكره اله ابقه خوش انسان
واله اكتب غزل ع الجاي يهجوني
اضوج من السواد وأحترم عاشور
ركز تلگـه موكب يمشي بعيوني
احله ايامي خلصت بالرحم والبير
اطلع ما ردت مجبور طلعوني
ما اعيش ويه عالم ما تموت وياي
مثل ما اجيت وحدي لوحدي خلوني
#أحمد_المطوري/العراق
📖📖📖📖📖📖📖📖📖📖