زاوية شعراء شباب جدا/اشراف الاستاذ:حسن حاشوش

زاويه شعراء شباب جدا
اليوم مع شاعره من الديوانية العظيمه أنها الشاعر ه سمر الخالصي أنها مبدعه ولا احب التحدث عنها ولكني سوف اترك هذه القصيده لذائقتكم ايها الاحبه دعونا نسمع ونستمتع بها
(اعترفلك)
.............
تــذكــر بساعات (جرحك)
مــن اگــلك..
بالسلامة..
مودع ..
وناسي اعتبرني..
تذكر ؟شگد گتلك اتهنى اويــه غيري
و دبرت ضحكات صلفـه
وگبعت بيهن دمعتى ورجفتي وشوغات حزني..
وتذكر شگد چنت اگلك
انــت ياهو؟ ومــا تهـمنــي.!
چنت اكابر يا حبيبي وچنت اضنك تفتهمني ..
اخ لو بس تفتهمني..
(چنت اطول بالموادع )
بلچي منك تطلع احچايه التردني..
ردتك تحسسني اهمك
من اگلك هدني ترفض ما تهدني..
ردت لو بس مره چفك
من تهل دمعاتي ( يلعب دور ردني)..
واعترفلك
چانت اكبر امنياتي
لمن ازعل..
تعتنيلي بـ أسف وردلي ودخيلك..
وانت تدري ..
تدري بـ أول چلمة اردلك!
لااااا ....گبل ما تحچي بس انوي بدليلك..
(چنت اقدسك)
حتى من تجرحني ارد ليك اشتكيلك ..
چنت يحبيب احميمه
تهدني يم غربه واهد كلشي واجيلك..
غيرت روحي اعلمودك
زغــررت احــلامــي يـمـك
گـمت امــد شــوفي اعـلى ليـلك..
اسف لـ هالچلمة لكن
(والله يحبيب چنت نعمة بشليلك)
طشرتني
وما حسبت احساب روحك ..
بعدي ياهو اليعتنيلك؟..
ضيعتني...
.
سمر الخالصي
........................................